5分鐘揀好奶泵喇叭尺寸！

挑選奶泵一d都唔容易，媽媽們除左要根據價錢，力度，口碑挑選外，原來仲有樣好緊要o既野要做：就係挑選喇叭Size！

如下圖咁，最左邊太緊o既喇叭會令到媽媽泵奶時感到疼痛；但最右邊太鬆又會漏奶，真係聽到都頭痕😅

究竟點樣先可以挑選到中間最合適自己o既喇叭size？等熊孩兒同各位媽媽簡單講解下啦～

首先我地睇睇下面幅圖先

Areola 係乳暈部分，Nipple 係乳頭。而如果我地要搵出適合o既喇叭尺寸，我地需要量度乳頭 （Nipple）直徑o既尺寸 （記住係乳頭，唔係乳暈o既size～）。

工具方面，一把軟尺/硬呎就可以，然後我地好似下圖咁量度就可以

建議媽媽們好似圖中咁打橫度會容易d望到，同埋用透明尺量度都會更容易睇得清楚。

 量度完後，就要睇睇你分娩未啦～

如果您已經分娩，就係量度o既數字上加3-4mm左右

如果您未分娩，就係量度o既數字上加6-8mm左右 

例如，您度到自己乳頭（Nipple）尺寸係20mm，而您已經分娩，您就要加3～4mm。加完後大概係23～24mm，即係你要用24mm喇叭啦～

而假設您未分娩，您度到自己乳頭（Nipple）尺寸係20mm，您就要加6～8mm。

26～28mm，即係你要用27或28mm喇叭啦～ 

以上按照一般數據建議，一切以個人實際使用情況為準。

 記得係挑選喇叭尺寸方面一定要認真去做，如果你有朋友唔明點量度記得叫佢睇我地呢篇簡易教學❤️
💁🏻‍♀️如果有疑問可以按我查詢