Youha The One 教學

一講起奶泵，作為媽媽真係好難未聽過Youha 呢個牌子。

不過，個個都用Youha，唔通個個都識用Youha？

今日就等熊孩兒簡單教下您點用！

1. 基本配件

首先， 我地睇一睇Youha The One 奶泵入邊有d咩配件先～

2. 如何使用

Youha The One 奶泵其實好容易使用，99%時間您只會用到綠色線右邊o既介面，因為右邊係預設模式，裡面包含5個模式（各包含6種力度），計埋成30種力度咁多😱。綠線左邊為自訂模式，除非右面30種模式都滿足唔到你，否則您唔需要用到綠色左邊o既介面。

5種模式分別為按摩模式，仿生模式，深吸模式，按摩+仿生模式，按摩+深吸模式。

按摩模式力度最輕，適合媽媽們泵奶前熱身使用；仿生模式係模仿BB吸奶o既模式；深吸模式力度最大，適合需要通乳線o既媽媽使用。

 轉換模式的話，按一下b鍵就可以選擇種模式分別為按摩模式，仿生模式或深吸模式。 如果要轉換成按摩+仿生模式，需要先將模式調教為仿生模式，然後長按b鍵3- 5秒；倘若要轉換成按摩+深吸模式，就需要先將模式調教為深吸模式，然後長按b鍵3- 5秒。

3. 接駁問題

 基本上The One 奶泵接駁非常容易，只要跟住下圖就可以。

1. 由下方將鴨嘴推入接駁器（3通）底部
2. 將連接器同三通連接
3. 將隔膜緊緊套入連接器（3通）頂部
4. 將護蓋套落連接器頂部，並接駁喉管及主機

清潔小貼士💡

第一次用奶泵前，您必須拆開所有同母乳接觸o既配件進行消毒同清潔。

另外奶泵主機，膠喉，防塵蓋，電源火牛等唔會接觸到母乳，你可以用軟布將佢地擦乾淨就可以～

 至於必須清洗o既配件，你只要將清潔劑加入暖水徹底清洗乾淨。之後再放入蒸氣消毒鍋或滾水煮5分鐘效果更佳。

 注意：鴨嘴非常脆弱，清洗時請輕輕力，唔係好容易會爛架～ 

常見問題！

 1）缺乏吸力點算  😱
檢查奶泵配係咪正確安裝，鴨嘴有無爛到，同埋確保矽膠膜同按摩墊係連結穩固，以達到最理想密封狀態。

2）吸奶時感到疼痛 😢
可能係模式或力度唔適合。建議先用按摩模式刺激，再換到仿生模式。 如果都係唔得，可以自行選擇吸力或節奏。

最後，附上Youha 簡易接駁😎

立即選購優合產品

下一篇 Blog 我地會教大家點樣用Youha The One 奶泵接駁其他牌子配件，大家千奇唔好錯過呀！

 睇完我地教學仲有咩唔明，歡迎聯絡我地～

我地Facebook名係： 熊孩兒（天然有機嬰兒孕婦專門店）

Whatsapp：52290919